انصار: ( د تله ۲۸ مه) د خوړو نړیوال پروګرام (WFP) وایي، په ۲۰۲۳ کال کې به ۲۹.۲ میلیونه وګړي، چې د افغانستان د نفوس دوه پر درېیمه برخه جوړوي، عاجلو بشري مرستو ته اړتیا لري.
د دې ادارې موندنې ښیي چې د روان کال له مې میاشتې راهیسې په افغانستان کې ۱۵.۳ میلیونه خلک د خوړو په برخه کې سخت ناامنه دی.
له دې څخه ، 2.8 میلیونه د خواړو امنیت مدغم طبقه بندی (IPC) کې شامل شوی.
د خوړو نړیوال پروګرام د روان کال له پیل راهیسې په افغانستان کې ۱۶.۸ میلیونه خلکو ته د خوراکی توکو مرسته کړې ده.
د خوړو نړیوال سازمان زیاته کړه چې دغه سازمان باید سږ کال لس میلیونو خلکو ته مرستې کمې کړي، په داسې حال کې چې د میلیونونو خلکو ژوند اوس هم له خطر سره مخامخ دی.
دغه سازمان ټینګار وکړ چې د خوارځواکۍ او لوږې د کچې د زیاتوالی د مخنیوی لپاره دوامداره بشری مرستو ته اړتیا ده.
په راپور کې ویل شوي چې د ۳۰ او ۵۰ سلنې تر منځ افغان کورنۍ اوس مهال نه شي کولای په کافي اندازه تغذیه شي.
د طالبانو چارواکو په مشخص ډول د فقر او خوارځواکۍ هېڅ ارقام نه دي تایید کړي، خو ځینې وخت یې له نړیوالو په دې برخه کې د مرستو غوښتنه کړې او ځینې وخت یې په دې تړاو خپاره شوي ارقام له مبالغو ډک او د دوی د رژیم خلاف تبلیغات بللي.
URL تعقيب: https://www.ansarpress.com/pashto/27895
